Tuisblad

Van Dyk Toere is begin deur Gerhard van Dyk toe hy in 1995 ‘n toer vir ‘n groep van 24 senior-burgers van die Hartenbos-diensentrum na Thailand aangebied het. Sy passie vir reis en om onbekende wêreld-dele met ander te deel het daartoe gelei dat die groepstoere deur die jare vinnig uitgebrei het. Sy seun, Renhard, deel sy passie vir reis en het Toerisme-bestuur gestudeer.

Van Dyk Toere se visie is om die billikste toere na die buiteland in Suid-Afrika aan te bied, sonder om kwaliteit in te boet. Los al die reëlings en stres vir ons en geniet ‘n unieke groepstoer, met genoeg vrye tyd om ook jou eie ding te doen!

Ons is sowaar dertig jaar oud in 2025! Ons vier ons dertigste jaar in die groepstoer-bedryf met ‘n klompie baie spesiale groepstoere deur die loop van die jaar. Ons bespeur die afgelope twee jaar ‘n nuwe neiging in die toerisme-bedryf: mense bespreek al hoe vroeër hulle toer-reëlings. Miskien is dit ook die rede hoekom al die toere wat ons vanjaar aanbied, reeds begin Februariemaand volbespreek is. Gerhard en Renhard wil graag ‘n groot dankie oordra aan elkeen van die paar duisend toerlede wat vanaf 1995 een of meer van ons groepstoere meegemaak het. Dit was vir ons ‘n voorreg om deur die jare heen wonderlike toer-vriende te kon leer ken.

Ons het verskeie versoeke ontvang om weer ‘n toer na Alaska en die Kanadese Rockies aan te bied in Junie 2026. Ongelukkig het die Kanadese tans (in Maart 2025) ‘n ongelooflike agterstand van meer as 560 dae in die verwerking van visum-aansoeke. Met die onsekerheid van die moontlikheid om betyds Kanadese visums vir die toer te bekom, is dit dus nie moontlik om die toer aan te bied nie.

Ons Drie Riviere Rynvaart-toer in April vanjaar was vinnig volbespreek en ons is opgewonde om dié toer te herhaal in April 2026. Die reisplan bly onveranderd vir 14 tot 26 April 2026. Pak net een keer uit en in op ons luukse bootvaart met die MS Lisabelle! Een van die hoogtepunte van dié toer is ‘n besoek aan Keukenhof se tulpe-skouspel. Ons het weer ‘n baie billike toerkoste-aanbod vir die toer van ons toer-operateur in Switserland ontvang en dink dié toer bied uitstekende waarde vir geld. Vyf interessante landekskursies ter waarde van R6 000 is ingesluit by die toerkoste van R52 990.

Laat weet gerus as daar een van ons toere is waarin jy belangstel. En as jy ‘n voorstel het vir ‘n nuwe toer na ‘n ander deel van die wêreld, laat weet asseblief…

Die Dalai Lama het by geleentheid gesê:
“Once a year go someplace you’ve never been before.”