standard-title Tuisblad

Tuisblad

WELKOM BY VAN DYK TOERE

Van Dyk Toere is begin deur Gerhard van Dyk toe hy in 1994 ‘n toer vir ‘n groep van 24 senior-burgers van die Hartenbos-diensentrum na Thailand aangebied het. Sy passie vir reis en om onbekende wêreld-dele met ander te deel het daartoe gelei dat die groepstoere deur die jare vinnig uitgebrei het. Sy seun, Renhard, deel sy passie vir reis en het Toerisme-bestuur gestudeer.

 

Van Dyk Toere se visie is om die billikste toere in Suid-Afrika aan te bied, sonder om kwaliteit in te boet. ‘n Goeie voorbeeld hiervan is die jaarlikse toer na Israel met ‘n uitstekende Israeliese toer-operateur wat gebruik word. Dit beteken dat bo-gemiddelde vier-ster hotelle en verskeie ekstra’s by die toer ingesluit is. Die gewilde toergids, Nomi Appel, en bus-operateur, Marzuk, word ook die afgelope paar jaar gebruik vir die toer. En dan is die toer se koste heelwat billiker as ander soorgelyke toere wat aangebied word

Los al die reëlings en stres vir ons en geniet ‘n unieke groepstoer, met genoeg vrye tyd om ook jou eie ding te doen!

ONS WYS JOU NIE NET EUROPA, ASIË, OF DIE AMERIKA’S NIE
…….
ONS WYS JOU DIE WÊRELD!

 

Toere vir 2019/2020

Al die reisplanne vir ons opwindende groepstoere vir 2019 se reisplanne is nou op ons webtuiste beskikbaar.

Weens aanvraag gaan ons weer na drie jaar ons gewilde Van Budapest tot Bukarest-toer van Oos-Europa aanbied.

Ons bied dié toer die beste tyd van die jaar aan: aan die begin van die Europese somertyd, maar voordat die

grensposte te besig raak.

Ons is ook opgewonde oor ‘n nuwe toere wat ons vir die eerste keer gaan aanbied: ‘n Britse Eilande-toer

(wat ook die bekende Edenburg Taptoe-skouspel insluit)

Ongelukkig het ons besluit om nie voort te gaan met die beplande Ikone van Suid-Amerika-toer nie, aangesien

die vlugkoste vir die beplande reisplan tans net te veel uitwerk. In die plek daarvan gaan ons einde Septembermaand.

‘n Oos-Amerika & Kanadese Bootvaart in die pragtige “Fall Foliage” hersftyd aanbied.

Die Oberammergau Passiespel van 2020 kom ook vinnig nader en ons is dankbaar dat besprekings vir ons besondere

Rynvaart & Passiespel-toer goed vorder. As bonus gaan Sonja Herholdt dié groep as gas vergesel. ‘n Mens kan

mos nie Oberammergau toe gaan sonder om na haar treffende weergawe van die lied te luister nie!

 

 

 

              Monte Carlo, Monaco

We travel because we need to,
because distance and difference
are the secret tonic of creativity.
When we get home,
home is still the same.
But something in our mind
has been changed,
and that changes everything.

                Alaska-bootvaart

Top